¿Khithinakapxts nanakaxa, kunas nanakäna lurawinakaxaxa. kun phuqhapxañaxasa?

Fondo de Población de las Naciones Unidas (UNFPA) uka tantachawixa, aka mundo uraqpachana markachirinakaru yanapt’añatakiwa irnaqi, niya 140 markanakana aka mundo uraqpachanxa, kunaymani irnaqawinakampi yanatpt’asiski.

Fondo de Población de las Naciones Unidas (UNFPA) uka tantachawixa, 1969 uka marana yuriwayi, uñstawayki ukhatpachxa, niya suxta millones de dolares ukha qullqimpiw kawkniri markanakatï, desarrollo nayraru sartañänkapki, uka markanakarus  yanapt’asisraki, juk’ampachaxa taqi markachirinakaxa suma jakañan taqinis sarnaqasipxaspa, ukaruw wali ch’amañcht’awayi, akata qhipharus ukhamakipuniw yanapt’asitäni.

Fondo de Población de las Naciones Unidas (UNFPA) uka tantachawina, aka mundo uraqpachana utjasiri markanakana, irnaqawimpi phuqhañatakixa walt’atawa amtanakasa lurañanakasautji:

Fondo de Población de las Naciones Unidas - UNFPA, uka tantachawixa, cooperación internacional, anqa markanakatpacha qullqi tuqi yanapt’asiñataki ütt’ayatawa, ukham qullqi tuqi yanapt’asiñampixa, taqi markachirinakaxa, jaqxama taqinis khuskhata yaqatapxaspa, ukham taqinis khuskhata yaqataxa, k’umaran taqinis jakasipxarakispa, janipini jilan ch’ullani jakasiñanakaxa utjaspati, chachanakasa warninakasa, taqi markachirinakasa khuskahata taqi kunatakis yaqatapxaspa, uka amtaruw wal ch’amañcht’araki.

Fondo de Población de las Naciones Unidas (UNFPA) uka tantachawixa, sapa markanakanxa, qawqha markachirinakasa jakasipxi, qawch’a uraqinakansa sarnaqasipxaraki, ukanaka tantiyt’añatakiw uñjt’añatakiwa yanapt’askaraki, ukham qawqha markachirinakasa, qawch’a uranqinakansa sarnaqasipxi ukanaka yatisaxä, política amtanakaxa kunjamasa sartayataspa, pisin jakasriri markachirinakaxa janipini  utjxaspati uka jikirañatakiwa ch’amt’ataskaraki, ukham pisin jakasiñax jan utjxaniti, ukhakiw warminakasa usuriptaña munapxaspa ukasa yaparu usuriptapxaspa  ukanakansa yanapt’atarakispa, usuri warminakasa yaparuw ususipxañapa, janiw wawan jiwañapasa taykan jiwañapas utjañapakiti, wayna tawaqunakaxa VIH/SIDA uka jan wali ñanqha usunakatsa, jark’aqataw sarnaqasipxañapa, imill wawanakasa warminakasa jaqxama taqi kunaniñatakis yaqatapxañapawa, ukanaka jikiratañapatakiw yanapt’asikaraki.

Share/Save