¿Kunasa ukatxa kamsañs CEDAW ukaxa munixa?

 

CEDAW uka aruxa Ingles aruta qillqt’atawa, Convención sobre la Eliminación de todas las formas de Discriminación contra la Mujer sañ munixa, Warminakaruxa janipiniwa kunjamatsa kawkhansa jisk’achatakaspati, uka kamachi utt’ayatawa, Asamblea de las Naciones Unidas uka jach’a tantachawina, jach’a tayka kamachiparakiwa, uka kamachisa taqpacha anqa markanakatakiwa wakiskiriraki, uka kamachinakarjamawa warminakaru jisk’achañanaka utjki ukanakasa uñjataraki.
¿CEDAW, ingles aruta qillqata, Convención sobre la Eliminación de todas las formas de Discriminación contra la Mujer uka kamachxa, qawqha markanakasa jaysawayapxpacha?
Jichhurkamaxa niya 165 markanakawa uka taypinkapxi, uka taypinkarakiwa Bolivia markaxa.
¿CEDAW, ingles aruta qillqata, Convención sobre la Eliminación de todas las formas de Discriminación contra la Mujer uka jach’a kamachixa, Bolivia markastakixa kamachirakïpachati?
CEDAW ingles aruta qillqata, Convención sobre la Eliminación de todas las formas de Discriminación contra la Mujer uka kamachixa, Bolivia markatakixa wakiskiri kamachita uñt’atärakiwa, 1989 maranwa, Ley Nº 1100 ukhama kamachita Bolivia markasana jaysawayataxaraki.
¿Kuna amtanakasa uka CEDAW ingles aruta qillqata, Convención sobre la Eliminación de todas las formas de Discriminación contra la Mujer uka kamachinxa, utjixa?
CEDAW ingles aruta qillqata, Convención sobre la Eliminación de todas las formas de Discriminación contra la Mujer uka kamachinxa, niya 16 articulo t’aqanakawa, warminakaru yaqatañapxatxa thakhiñchata, 12 articulo t’aqanakarakiwa, kunjama informe yatiyawinakaxa irnaqawinakata qhanañchatañapasa thakhiñchataraki, kunjamatsa CEDAW ingles aruta qillqata, Convención sobre la Eliminación de todas las formas de Discriminación contra la Mujer, uka kamachi phuqhatañapatakixa, comité t’aqaxa utt’ayawayata ukata thakhiñachatarakiwa, uka comité t’aqapï, sapa markanakanxa informe irnaqawinakata, qhanañchawinaka puriyanipki uka uñch’ukirakixa, uka informe qhanañchawinakaxa kawkniri markanakatï Convención kamachi jaysawayapki uka markanakatakiwa.
¿Bolivia markasatxa kunapachasa, jutiri informe qhanañchawxa, CEDAW ingles aruta qillqata, Convención sobre la Eliminación de todas las formas de Discriminación contra la Mujer uka comité t’aqaru puriyañapasa?
CEDAW ingles aruta qillqata, Convención sobre la Eliminación de todas las formas de Discriminación contra la Mujer uksana Comité utt’ayataxa, Bolivia markaxa jutiri julio phaxsina 2011 marana informe qhanañchawxa apayañapa siwa, warminakaru yäqawixa kunjamasa, Bolivia markanxa askinjama sartayataski, ukanakata uka informe yatiyawinxa qhanañchañapa.
¿CEDAW ingles aruta qillqata, Convención sobre la Eliminación de todas las formas de Discriminación contra la Mujer uka kamachixa, informe qhanañchawi markanakaxa apayapki, uka markanakaruxa jaysañapatï?
CEDAW ingles aruta qillqata, Convención sobre la Eliminación de todas las formas de Discriminación contra la Mujer uka kamachixa, markanakaruxa jaysañapawa, juk’ampachaxa, warminakaru yaqañanakawa phuqhasiñapapini, ukatakiwa CEDAW uka tantachawixa markanakana yatipxañapataki, warminakaru yaqañxatxa qhanañachawinaka utjayapxañaparaki, maysaxatxa uka amtanaka phuqhasiñapatakiwa uñch’ukiñaparaki.
¿Khithinakasa denuncias jan walinakata CEDAW uka tantachawiruxa yatiyapxañapaxa?
Jan wali lurawinakatxa, taqi jaqinaka, jan ukaxa qutu jaqinakawa, kawkniri markanakantï CEDAW ingles aruta qillqata, Convención sobre la Eliminación de todas las formas de Discriminación contra la Mujer uka kamachi jaysawayapki, uka markanakanxa yatiyapxañapa, juk’ampachaxa kawkniri Instituciones tantachawinakatï, kawkniri markachirinakatï jan walt’ayata markachirinakaru arxatañ munapxi jupanakawa jan walinakata yatiyapxaspa.
¿Kuna iwxanaksa CEDAW ingles aruta qillqata, Convención sobre la Eliminación de todas las formas de Discriminación contra la Mujer uka kamachixa, Bolivia markaruxa qhip qhipha tantachawina, informe qhanañchawi uñakipt’awayasaxa, iwxt’awayixa?
Eliminación de la Discriminación contra la Mujer, warminakaru jisk’achawinakaxa q’ala chhaqhayataxañapawa, ukwa comité utt’ayata t’aqaxa, jichha qhipha 40 tantachawina, 14 urunaka saraqaqkipana enero phaxsita 1 uru saraqkipana febrero phaxsikama 2008 marana tantachasiwayapki ukanxa. Comité ukham t’aqa utt’ayataki jupanakaxa informe qhanañchawinaka utjki ukanaka uñakipawayapxi, uka informe qhanañchawi uñakipawixa payiri kimsiri pusiri informe qhanañchawinakawa, Bolivia markatxa uñakipawayata, Bolivia markana informe qhanañchawixa (CEDAW /C/BOL/2 a 4) uka chiqt’anxa llakinaka jan walt’awinaka uñt’ayawayi, ukanxa akham llakinakawa ajllsuta qhanstayata:
• CEDAW ukana Comité t’aqa utt’ayataxa, kunjamasa jan walt’awinakaxa Ley 1810 uka kamachirjamaxa uñjata, kunjamatsa askichataspa, uka amtanaka suman sartayatañapatakiwa irnaqaski, qhana arunxa (chachanakana warminakana k’umarana mirapxañapataki, qawqha wawaniñatakisa kunjam wawaniñatakisa, jach’a amta kamachixa utjki) ukasa kunjamatsa jank’akipini Estado tuqixa jaysataspa, ukatakiw ch’amt’atakipini. Uka pachparakiwa, CEDAW ukana Comité t’aqa utt’ayataxa kunjamatraksa qawqha wawaniñatakisa, kunjama wawaniñatakisa politica amtanakaxa sapa markanaka utjarakispa, ukana ch’amañcht’askaraki, ukatxa chachanaka warminakasa kunjamansa k’umaran miratarakispa, ukanaka yäparu sartayatañapatakiw irnaqaskaraki, ukham yanapt’anakasa warminakata, wayna tawaqunakata, juk’ampachaxa, yapumpi uywampi qamasirinakata amuyatapinispa, jupanakataki aski yatiyawinakasa k’umarana miraña utjañapataki utjarakispa, kunjamatsa anticonceptivos jan usunaka katuñataki qullanakasa apnaqataspa, ukasa taqiniru purirakispa uka amta jikirañatakiwa yanapt’asitaskaraki, (…..).Comité uka t’aqa utt’ayatata, juk’ampi iwxt’awixa Estadu tuqitakixa utjakipiniwa, educación sexual kunjam chachanakampi warminakampi sarnaqapxañapasa, qawqha maranisa imill wawasa yuqall wawasa munasipxaspa ukanaka yatichawi yatiqawina amtanaka utjañapatakiwa Estadu tuqixa ch’amt’añaparaki, q’axu waynuchu q’axu tawaqitanakasa kunjamatsa jani usuriptayasipkaspa ukanaka yatipxañapatakisa campañasa yatiyawinakawa sapa kutis wakt’ayatañaparaki.
• (…) Ukata juk’ampixa estadu tuqirux iwxt’akipiniwa, imill wawanakaru chachanakampi phiskhasiyañataki jamasata aljañanaka utjki, ukanaka chhaqhayatañapatakiwa estadu tuqixa ch’amt’añapapini, warminakasa qullqi tuqina askinxama jakasipxa uka jikirañatakiwa estadu tuqixa ch’amt’añaparaki, ukhamataki, imill wawanakaru sallqasa, chachanakampi phiskhasiyañataki jamasata jan aljañanakasa utjxarakispati, chachanakana phiskhasita warminakasa imil wawanakasa kunjamatsa mayni markachirinakana jan p’inqch’ukiptaspa, ukanakatakisa kamachinaka estadu tuqixa utt’ayañaparaki, juk’ampachaxa warminakaru imill wawanakaru sallqasa chachanakampi phiskhasiyapki uka jaqinakatakixa, kamachinakawa suma utt’ayatañapa, ukhamata uka juchani jaqinakaru taripañatañapataki.
• SEDAW ukana Comité utt’ayata t’aqaxa, estadu tuqiruxa iwxt’akipiniwa, qullayasiña politica amtanakaxa markpachataki utjki ukanakanaxa chachas warmisa khuskhata yaqasina uñjatapxaspa, uka estadu tuqixa ch’amt’atañapa, (…) ukxaruxa qullayasiñ utanakanxa, aski amtampi warminakaru qullañanakawa utjañapa, juk’ampachaxa khithinakatix jan qullayasiñanakana yaqatpki, jupanakatakiw utjañapa, warminaka ukatxa yapumpi uywampi sarnaqasirinakawa janipinix suma yaqatapkiti, jupanakaruw suma yaqatañapa¨, uka estadu tuqix ch’amt’añapa sasa iwxt’awinakaw utjakipini.
• CEDAW ukana Comité t’aqa utt’ayataxa, juk’ampi estadu tuqiruxa iwxt’akipiniwa, ususisa warminakaxa walt’atapini jiwarapki, jan ukhama warminakana ususisa jiwapxañapatakiwa Estadu tuqixa ch’amt’apxañapakipini, qullayasiña utanakansa, warminakaxa usuripki ukhasa, ususisipki ukhasa, ususxapxi uka qhiphatsa, suman qulliri mediconakana uñjatapxañapapiniwa, qullayasiña utansa, kunanakasa wakisi ukanakasa yäparu utt’ayatañapawa, janiw aliqa yatiqa jaqinakana qullatapxañapakisa, yatxatata qullirinakawa, taqi qullayasiñ utanakana irnaqapxañapa, juk’ampachaxa yapumpi uywampi sarnaqasirinakatakiw qullirinakaxa, suma yatxatatanaka khithatañapa (…).
(CEDAW ingles aruta qillqata, Convención sobre la Eliminación de todas las formas de Discriminación contra la Mujer uka amtanakata, juk’ampacha yatxataña munsta ukaxa, akhitaru ampara luk’anamampi click sas limt’ama, ukxaruxa, markanakana, kunjamasa Derechos Sociales markachirinakaru yaqawixa utji, qullqi apanaqawinakasa kunjamasa sartayataski, markachirinakas kunjams qullqi apnaqasipxi, ukanakata kun yatxatasmaxa, (castellanu arunakaiwa) - http://www.unfpa.org/derechos/bolivia.htm#genero)

 
Aka t’aqanxa, khithinakampis mayachthapisita, ukawa akhankaraki:
Share/Save