BEIJING 95 - PUSIRI CONFERENCIA MUNDIAL WARMINAKARU YAQAñXATA

1995 Conferencia jach’a aruskipawi utjawayki ukanxa, kunjamatsa mä markampi yaqha markanakampixa purapata yaqasisa khuskhaki jakasita sarnaqasitaspa uka tuqitawa jilpacha aruskipatänxa, ukxaruxa desarrollo nayraru sartawisa kunjamatsa utjaspa, ukampi chikaxa sumana llamp’uchasiñana jakasitakipinispa, ukham sumana jakasiñanakasa warminakasa chachanakasa purapata yaqasisa sarnaqasitakipinispa, ukanakatawa amuykipt’atarakinxa. Warminakaxa kunjamatpinsa nayraru sartasipxaspa, markachirinakasa kunjamatsa thiyapata nayraru sartasipxarakispa ukanakatawa aruskipt’atarakinxa. Ukham aruskipawinakampixa, qhanpachapiniwa markachirinakana sarnaqawipata, jan walt’awinakapasa utji ukanaka aruskipañanakansa, warminakaru yaqasa amyumpi sartayatañapaxa qhanstawayxaraki, ukhama warminakaru yäqatani ukhakiwa chiqpachapini desarrollo nayraru sartawisa wiñaypacha utjaspa ukasa qhanstawayarakiwa.

Pusiri Conferencia Mundial aka uraqpachata jach’a mathapiwi utjawayki ukanxa, warminakaru yaqañaxatawa jilpachapinixa qhanstawayi, jan walt’awinaka utjki ukanakasa Plataforma de Acción de la Conferencia Internacional sobre Población y Desarrollo (CIPD)  uka jach’a mathapiwinsa uñakipt’atarakinwa, ukarjamarakiwa aka mundo uraqpachansa yaqatañaparaki. Aka mundo uraqpacha markanakanxa qhanakipiniw qhanstawayaraki, warminakampi chachanakampi, qamiri jaqinakampi piscina jakasiri jaqinakampixa jisk’achasiña yaqhachasiñanakanakpini sarnaqasitataynaxa, juk’ampachaxa warminakawa, utjawi taypinsa taqi markachirinaka taypinsa yaqhachata jisk’achatkipinipxixa.

Kawkniri gobiernu irpirinakatï, uka jach’a mathapiwina chikañchasiwayapki uka gobiernu irpirinakaxa, qhana arsuwayapxi, qhana arunxa thiyapata khuskhana jakasiñawa utjañapa, desarrollo nayraru sartawisa sumana jakasiñasa utjañapakipiniwa, juk’ampachaxa warminakaruwa aka mundo uraqpachana yaqatañapa, uka amtasa taqi markachirinakana amuyupankañapa chuymapankañapawa sasawa arsuwayapxanxa. Maysaxatxa, jaqiru yaqañasa jaqirxam uñjañasa, warminakaru yäqañasachachanakaru yáqañasa, derechos humanos ukham yäqawichixaya jakañanxa, ukhamarxamapï warminakarusa imilla wawanakarusa jilpachapini yäqatañapaxa, janipiniwa kuna laykusa warminakaru  imilla wawanakaru yaqañanakaxa khthinsa takichasitañapakiti, ukham yäqañanakaxa, derechos humanos ukham yäqawichixaya taqi jaqitakisa warmitakisa.

Gobiernu irpirinakaxa, warminakaru ch’amañchatañapataki, warminakana nayraru sartapxañapatakiwa yanapt’atani sasaw arsusiwayapxi, ukampi chikt’ataxa, kunjama amuyunikitï kunjam lup’iwinikitï, kunjama sarnaqasirikitï, kunjam iyawsañanikitï, ukanakasa yäqatañaparakiwa, ukham jaqirxama yäqatani ukhakiwa jakwipanxa kunanakatixa jakasiñapataki wakiski ukhmarxamasa jaqxama jakasirakini, ukham yäqataxa, taqi warminaka chachanakaxa sapa sapasa jan ukaxa mä marka taypinsa, amuyunakaparu, yatiñanakaparu, sarnaqawinakaparu, ch’amañchatarakini, ukham yäqata sarnaqasipxani ukhakirakiwa, jakañanakapanxa kunjamxaya jakasiña munapxchi ukanaksa jikipxarakini, ukhamampixa ina k’uchiki kusisitakipï jakasipxarakinixa.

Pusiri Conferencia Mundial aka uraqpachata jach’a mathapiwi utjawayki ukana, chikañchasirinakaxa, khukhana jakasiñanakaxa utjañapapiniwa sas amtarusa ukaxa walikipiniwa sasaw taqinisa chuyma utt’ayasiwaypxaraki, taqinisa khuskhaki jakasxañani sañampixa, taqi kunana taqinisa chikañchasipxañapa, recursos naturales yanakasa jan ukaxa yaqha utjiri yänakasa chachanakarusa warminakarusa thiyapata khuskhata ch’iqinuqayatañapawa, ukhamataki má utjawi taypinsa sumana jakasiñanakaxa laqañchayatakipinini, ukham sumana jakasiñanakasa, taqiniruwa wakt’arakixa, ukham taqininsa suman jakasitäni ukhakirakiwa democracia thakhisa juk’ampi ch’amañchatarakini, sasaw sawayapxaraki.

Kawkniri gobiernu irpìrinakatï uka amtanakaru iyawsawayapki uka gobiernu irpirinakaxa, qullqinakaxa kunjamatsa wiñayataki jilxatayatäspa, ukham wiñayataki qullqinaka jixattayasaxa, pisina jakasiñanakaxa q’ala tukhataxaspa uka amtanaka jaysawayapxaraki, ukham qullqinaka wiñayataki jikitäni ukampixa markachirinakana desarrollo nayraru sartawiwa utjañaparaki, ukham nayraru sartawisa taqinitakiwa khuskhata utjañapa, pacha mama uraqina utjiri yanakapasa, pacharusa suman uñjañaxa ch’amt’atakipiniñapawa, taqi markachirixa taqinisa khuskhata uñjasitakipiniñapawa janiwa jila jila tukurinakasa utjañapakiti, ukhamampixa warminakaruwa taqi kunan chikañchasipxañapataki yäqatañapapini, chachanakaruxa kuna lurañasa wakt’i ukas kikpa yäqatapxañaparakiwa warminakaruxa, ukhamatakpi desrrollo nayraru sartawixa taqinitaki utjaspaxa, desarrollo nayraru sartawisa jaqian jakañapata lup’isa sartayatañaparakiwa.

Kawkniri gobiernu irpirinakatï Pusiri Conferencia Mundial aka uraqpachata jach’a mathapiwi utjawayki ukana chikañchasiwayapki, uka gobiernu irpirinakaxa warminakana taqi kunana chikañachasipxañapatakixa arxatata yaqataniwa, warminakana qullqinipxañapatakisa, uraqinipxañapatakisa jan ukaxa kuna mayt’awinakana yäqatapxañapatakisa,, tecnología profesional yatxatawinakana chikañchasipxañapatakisa, yatiyawinaka katuqapxañapatakisa, qhathunakana yaqatapxañapatakisa, juk’ampi yaqha kasta amtanakana warminakana chikañchasipxañapatakisa, ch’amt’atakipininiwa, ukham ch’amt’awinakasa anqa markanakan yanapt’asipxañapatakiwa wayt’atarakini, ukhamataki uka amtanakaxa jikirasini sasaw arsusiwayapxi.

Warminakata Conferencia jach’a mathapiwi aruskipawi utjawayki ukaxa Cairo uksana jach’a Cnferencia mathapiwi utjawaykaraki, uka amtanakaruxa wal ch’amañchi. Kunasa wakiskiri amtanakapaxa, qhana arunxa, taqi markachirinakataki, juk’ampachaxa warminakataki, k’umaran jakasiñanakaxa utjaspa, ukham k’umarana jakasiñampixa kusisitaki jakasiñanxa sarnaqasitarakispa, usunakata jark’aqasiñanakaxa ch’amt’atakipinispa, juka’mpachaxa warminakana usuriptapxatapaxa sumana uñjatapìnispa, ukham warminakana usuriptapxatapa suman uñjatäni ukhakiwa warminakasa wali ch’amani sartasipxarakini.

Pusiri Conferencia Mundial jach’a mathapiwina,  warminakata aruskipatäkana ukana jach’a amtanakapaxa akhamanakawa:

  • Walja millon millota warminakaru pisin jakasiñanakaxa jan walt’ayki, ukanakaxa q’ala chhaqhayataxañapawa, aka mundo uraqpachana.
  • Jilani ch’ullani yatiqawi yatichawinakaxa sartayatäki ukanakaxa q’ala chhaqhayataxañapawa.
  • Warminakana servicio de salud qullayasiri sarapxañapaki k’umarana jakasipxañapataki ukanakasa, ukatxa  warminakana irnaqawinipxañapatakisa, ch’amt’atäñaparakiwa.
  • Qullqi apnaqawinakansa muna jan munawa warminakaxa chikañchasipxañaparaki, ukanakasa ch’amt’atañaparakiwa.
  • Pacha mama uraqina yanakapa sumana uñjatañapatakisa waqaychatañapatakisa warminakana chikañchasipxañapaxa yäqatañapapiniwa.
  • Warminakana, mä marka  apnaqiri chhijjlatapxañapatakisa jan ukaxa wakiskiri amtanaka amtatäki ukana chikañchasipxañapatakisa yaqatapxañapapiniwa.
  • Medios de comunicación yatiyirinaka tuqinsa janiw warminakaxa ukham aytasitakiñapakiti, jan ukasti warmixama yäqatañapawa.
  • Warminakaru jisk’achañanaka, yaqhachañanakaxa q’ala tukkhatapiniñapawa.
  • Warminakaru jisk’achañanaka, yaqhachañanaka, p’inqch’ukiñanaka, jan wali lurawinaka uñjataspa ukanakasa taqinina jark’t’atañapapiniwa.

Akhitaru limt’ama, ukata juk’ampi yatiyawinaka amtanaka “La Cuarta Conferencia Mundial sobre la Mujer” warminaka tuqita aruskipatäkana ukanakxa yatxatata.

Share/Save