Chacha warmixa, kunjama munasipxañapasa, kunjama uka munasiñanakaxa mayninakana yaqatäñapasa, kunjama jupanakpachana yaqasitäñaparakisa, uka amtanakxata

Chacha warmixa, kunjama munasipxañapasa, chacha warmina munasiñanakapaxa kunjama mayninakana yaqatäñapasa, jupanakpachansa, kunjama yaqasitäpxañaparakisa, uka amtanakan yanapt’asiñanakanxa, mä jach’a amtaru phuqhañakiw utji: uka amta phuqhañaxa, warminakasa chachanakasa, q’axu waynuchu tawaqitanakasa, jisk’a imil wawa yuqalla wawanakasa, k’umarana, kusisitaki taqinis jakasipxaspa, chachanakasa warminakasa, q’axu waynuchu tawaqitanakasa, jisk’a imill wawa yuqalla wawanakasa thiyapata taqi kunataki yaqatapxapinispa, ukawa jikiratañapapini, ukanaka jikirañatakixa políticas publicas de salud, k’umarana jakasiñaxa taqinitaki utjaspa uka amtanakawa gobiernu tuqita utjañapa, niyaki uka politica amtanaka utjani ukatxa, uka amtanakasa phuqhatañaparakiwa, ukham amtanaka sartayatäni ukanakasa, suma uñch’ukitäñaparakiwa, niyaki phuqhatäxani, ukanakasa kunjamasa phuqhata, askiti janicha askiki, ukanakasa uñakipatäñaparakiwa.

Fondo de Población de las Naciones Unidas UNFPA uka tantachawina, amtanakapasa irnaqawinakapasa, taqi markachirinakansa comunidadanakansa, salud sexual y reproductivos, chachanakansa warminakansa kunjamatsa jupanakpachana juk’ampi yaqasiñaxa utjaspa, uka jikirañawa ch’amt’atäñapa, ukata juk’ampixa, qullayasiñanakansa, qullqaña utanakansa, taqinitakisa, aski yanapt’asiwipini utjaspa, qullayasiñanakanxa thiyapata khuskhaki taqinis uñjatäpxapinispa, chachanakansa, warminakansa kunjamatsa purapata yaqasisa sarnaqasitäspa, chachanakasa warminakasa thiyapata khuskhata yäqatapinipxarakispa, yatiqawi, yatichawi amtanakansa, janipini yaqhachasiñ amtanakaxa utjaspati, k’umarana jakasiñatakisa, thiyapata taqininsa yasitapinispa, VIH/SIDA uka ñanqha usunakata jark’aqasiñatakisa, yatxatawinakatsa taqiniru yatiyasina qhanañchatapinispa, uka jikirañ amtampiw UNFPA tantachawixa irnaqakipini.

Juk’ampachaxa, warminakasa, jisk’a imilla wawa yuqalla wawanakasa, wayna tawaqunakasa, suma politica amtanakampi yanapt’atäpinipxaspa, jani aliqa warmiw, wawaw, wayna tawaquw sañanakaxa utjaspati, taqinisa jaqirxama yaqatapinipxaspa, uka amtampiw UNFPA tantachawixa irnaqakipini, chachanaka, warminakasa, kasta kasta markanakasa, taqi tuqinakana utjasipki uka markanakaxa, taqinis khuskhakïpxiwa, maynita maynikama yaqasiñaw utjañapapini, janiw khtithis jila jila tukuñapäkiti, taqininsa khuskhata yaqasisa sarnaqasitäspa, ukanaka jikirañatakiw irnaqaskaraki.

Maynita maynikama yanapt’asiña amtanakaxa utjki, uka amtanakarjamaxa, walt’atawa irnaqañanakasa, amtanakasa wakicht’ata utjakipinixa, uka irnaqawinakaxa, ministerios uka tantachawinakana juk’ampacha yanapt’asipxañaparaki, ukatakiw aski amtanakasa utjaraki, juk’ampachaxa, k’umara jakasiñataki irnäqki ministerio de salud uka tantachawina, yatiqawi yatichawitaki amta phuqhañataki irnaqki, ministerio de educación uka tantachawina, Ministerio de Culturas, markanakan sarnaqawinakapa ch’amañchañataki irnaqki uka ministeriona, Ministerio de justicia sat tantachawina taqinis khuskhata kuna pantasiwinakansa taripatapxañapataki irnaqki, uka tantachawinakana yanapt’asiwinakaxa utjañaparaki, maysaxatxa Vice Ministerio de Igualdad de Oportunidades (VIO), uka tantachawis kikpakiwa yanapt’asiñaparaki, Universidad jach’a yatiqaña utanakansa kikpakiwa yanapt’asiñanakaxa utjañaparaki, ukanaka phuqhatañapatakixa, Plan Nacional Bolivia markapachataki amtanakaxa utjki, ukana tecnicos yanapt’asirinakawa yanapt’apxañaparaki, janiw ukakikiti, jan ukasti sapa departamentunakansa, municipionakansa kikpakiw yanapt’asiñanakaxa utjañaparaki, aka qhipha urunakanxa Kunamasa Bono Juana Azurduy uka waxt’a qullqinakasa apnaqatäñapa, ukanaka amuyt’ayasawa yanapt’asiskaraki, maysaxatxa qulliri enfermeras ukanakasa, kunjamatsa usuri markachirinakarus suma qullapxaspa, ukanakasa suma yatxatatarakispa, ukanakana ch’amt’atakipini.