Desarrollo del Milenio (ODMs) ukana waranqha maranakana nayraru sartawi utjañapatakixa, kuna amtanakasa utjixa

¿ Desarrollo del Milenio (ODM) Waranqha maranakana, nayraru sartawi utjañapatakixa kuna amtanakasa utjixa?
Aka mundo uraqpacha markanakanxa, kunjamatsa pisina jakasiri markachirinakaxa, yaqhachata markachirinakasa, jisk’achata markachirinakasa uñisita markanakachirinakasa, sumana jakasxapxaspa, ukanaka jikirañatakiwa, ODM sata amtampixa, irnaqañataki ch’amt’awayata.

¿Declaracion de Milenio uka amtampixa, qawqha markanakasa jaysawayapxpacha, ukatxa amtawayapxarakpachaxä?
“Declaracion del Milenio” uka jach’a amtaxa, septiembre phaxsina 2000 maranwa suma amtasina qillqantasiwayi, Declaracion del Milenio uka jach’a amta qillqantawayatäki, ukanwa nayraru sartawi utjañapataki, kunanakasa phuqhatañapa, uka amtanakaxa amtawayata. Niya 189 markanakawa Naciones Unidas uka tantachawiru jaqkatatäpxaraki, uka markanakapï chikañchasiwayapxarakixa, uka taypinkarakiwa Bolivia markasasa.

¿Declaracion del Milenio uka amtanakapanxa kamsisa, kunanakasa thakhiñchataxa?
Declaracion del Milenio ukana amtanakapanxa, kuna jan walt’awinakasa markachirinakanxa, aka mundo uraqpachanxa utji, ukanaka uñakipt’asinwa, wakiskiri amtanaka phuqhatañapataki thakhiñchata. Declaracion del Milenio uka amta qillqatätanxa, kunajamatsa chachanakampi warminakampisa, khuskhana jakasiña, purapata yaqasiñasa utjaspa, kunjamatsa warminakaxa ch’amanixapxapinispa, ukanaka jikiratañapatakiwa ch’amt’atäñapapini, ukata juk’ampixa, jupanakpachana, taqinina, sapa maynina, mä yäqawita uñt’atañapapiniwa. Warminakana chachanakana purapata yaqasiñasa, khuskhakiñasa, mä phuqhawiñapawa taqinitakisa. Cahachanakana warminakana khuskhaki jakasiñaxa, ODMs uka amtana, yaqha amtanaka phuqhañanaka utjki, ukanakampisa waytasitañaparakiwa.

Aski amtanakasa, wakiskiri lup’iwinakasa, suma phuqhaña amtanakasa akhamanakawa utjixa:

  • Qhisphiyata sarnaqasiña, jakasiñawa utjañapa: chachanakasa warminakasa, jakawipana sarnaqawipanxa, taqinina sumana jakasipxañapatakisa, sarnaqasipxañapatakisa, yaqatapxañapapiniwa, juk’ampachaxa chacha warmisa, wawanakapampisa, askina jakasipxañapatakixa yaqatapxañapapiniwa, janiw khithisa manq’ata mutuyata, t’aqhisiyata, jisk’achata, yaqhachata, uñisita, jan kamachinakana arxatatasa sarnaqaskaspati. Kunjamatsa taqi uka amtanakaxa phuqhataspa, ukatakixa democracia thakhi ch’amanchiri, arxatiri, gobiernu apnaqirinakawa utjañapa, ukhamañapatakixa taqi markachirinakawa chikañchasipxañaparaki, gobiernu apnaqirinakaxa, janiw munañanakaparu kuns amtaparjamaki lurapkaspati, jan ukasti markachirinakaru yaqasapiniwa irnaqapxañapa.
  • Khuskhaki jakasiña, qamasiñawa utjañaparaki: Nayraqataru sartawi munatäspa, nayraru sartawi munaña amtasa utjaspa, ukanakaruxa, janipiniw markanakaruxa khithinsa jark’xasitakaspati. Taqi warminaka chachanakaxa, khuskhakipiniwa taqi kunansa uñjatäpxañapa yaqatapxañapasa, janiw chachanakansa, warminakansa jila jila tukuñanakaxa utjañapakiti.
  • Nayararu sartawisa utjañapakipiniwa, pisina jakasiñanakasa janiw utjxañapati, q’ala tukhatañapata qhanañcht’awi
  • Chachanaka warminakaxa, khuskhakipinixapxaspa ukawa ch’amt’atañapapini, juk’ampachaxa, warminakaxa janipiniwa jisk’achata, yaqhachata, jan yaqata sarnaqapxaspati, jan ukasti jupanakpachawa taqi kunsa apnaqasxapxañapa, ukhamataki, pisina jakasiñanaka utjki ukanakasa tukhatäspa, maq’ata piskatañanakasa utjki, usu taypini jakasiñanakasa utjkaraki, ukanakaxa, tukhatäñapapiniwa, kunjamatpinsa nayraru sartawixa, chiqpachapini utjaspa ukawa ch’amt’atañapapini, ukham nayraru sartawisa wiñayatakirakiñapawa.
  • Yaqasiñanakaxa chiqpachapini taqinitaki utjaspa, democracia thakhisa ch’amañchatakipinispa, gobiernu apnaqirinakansa suman sartayatakipinispa ukanakata amtanakaw utjaraki
  • Warminakaru jisk’achañanaka, yaqhachañanaka, p’inqch’ukiñanaka utjki ukanakaxa, chhaqhayatakipinixaspa, juk’ampachaxa warminakaru jisk’achañanaka, yaqhachañanaka, uñisiñanakasa, Convencion amtana aski amtanakaxa utjawayki, uka kamachi yaqasa, sartayasa phuqhayasawa chhaqhayatakipinispa.

Declaracion amtanxa, aski qallta amtanaka phuqhañanakawa utjaraki ukanakaxa akhamanakawa: qhisphiyata sarnaqasiña, khuskhaki taqinis jakasiña, maynita maynikama yanapt’asisa jakasiña, mayninakaru yaqasa ist’asa sarnaqaña, pacha mama uraqiru yäqaña, taqi kunansa, taqininsa aski amtampi phuqhañakipini utjaspa, ukanakawa amtataräki.

“Desarrollo del Milenio ukana amtanakasa, phuqhañanakas amtatäkana ukanakaxa, janiw phuqhawayatakiti, juk’ampachaxa, pisina jakasiñanakawa tukhatañapäna, manq’ata jiwañanakaxa utjki, ukanakawa jan utjxañapaxänti, salud sexual reproductiva warminakana chachanakana k’umarana jan kuna usuntasa mirapxañapatakiwa taqi ch’amampi irnaqatañapäna, uka amtanaka phuqhatäñapatakixa, juk’ampachawa ch’amt’atañapäna, kunjamatpinsa warminakaxa, jupanakpacha yaqayasiñataki sumpacha yatintxapxaspa, ukanakatakiwa qullqis jilpachaxa irtatñapäna, k’umarana jakasipxañapatakisa kikpakiwa qullqisitus jilpacha irtatñapäna, uka chikapï salud sexual reproductiva kunjamatsa chachanaka warminakasa k’umarana jan usun katuyasisaki mirapxaspa, qawqha wawanipxañapasa, kunapacha wawanipxañapasa, ukanakasa kunjamatsa yäparu chachanakana warminakana amtasitäspa ukanak kunawa ch’amt’atañapänxa.
Naciones Unidas uksankiri Kofi Annan Secretario General jupan amuyupawa ukaxa

¿Kimsaqalqu amtanakaxa, ODM ukana utjki ukanakaxa kawknirinakasa?
Kawkniri markanakatï, Desarrollo del Milenio uka amtanakampi chikañchasiwayapki, uka markanakanxa, kimsaqallqu jikirañ amtanakawa utji, ukhamata aka mundo uraqpachana jani pisina jakasirinakaxa utjxañapataki, janiraki manq’ata piskatañanakasa utjxarakispati, taqininsa, yatiqawi yatichawi amtanakansa sumana sartasitaxaspa, k’umarana jakasiñasa taqinitaki ukjaspa, warminakasa chachanakasa, khuskhata yäqata puarapata yäqasisa sarnaqasitaxaspa, pacha mama uraqirusa, suman wiñayasa uñjataxarakispa, ukhamampixa, taqinina nayraru desarrollo sartawixa ch’amt’atapinspa, uka amtanakawa phuqhasiñapa¨xa, ukatakiwa ODM ukanxa, akham kimsaqallqu amtanakaxa amtawayata:

  1. Pisina jakasiñanakasa, manq’ata mutuñanakasa, manq’ata jiwañanakasa utjki ukanakaxa, q’ala chhaqhayatañapapiniwa
  2. Primaria, qallta Yatiqawi yatichawixa, taqinitakipiniñapawa, janiw khithis uñamukutañapäkiti
  3. Chachanarusa warminakarusaa, khuskhata yaqasa, puarapata yäqasisa jakasitakipinispa, warminakasa jan khithina jisk’achata, yaqhachata, janiraki yaqhana apnaqapxaspati, jupanakpacha amtapata amtani jaksaxapxañapawa ch’amt’ataraki.
  4. Wawakasina jiwarañanakasa utji, ukanaka jan utjxañapatakiwa ch’amt’awix utjañaparaki.
  5. Usuri taykanakasa k’umarana jakasisa ususipxaspa, ukaw jikiratañaparaki.
  6. VIH/SIDA ñanqha usu, paludismo, ukatxa yaqha jan wali ñanqha usunakasa q’ala tukhatañaparakiwa.
  7. Pacha mama uraqina yänakapasa, kunjamatsa wiñayasa waqaychatakipinispa, ukanakawa ch’amt’atañaparaki, (uka amtaxa 2020 marana jikiratañapaxa)
  8. Aka mundo uraqpachan markanakanwa, desarrollo nayraru sartawi utjañapatakixa ch’amt’apxañapa, mä markata, yaqha markakamawa yanapt’asiwinakaxa utjañaparaki.

¿Fondo de Poblacion de las Naciones Unidas UNFPA uka tantachawixa, kunjamsa salud sexual reproductiva, kunjamatsa chachanaka warminakaxa k’umarana sarnaqasipxaspa, kunapacha, ukatxa kunjama wawanipxañapasa ukanakxa amtasipxaspa, uka amtanakasa, kunjama ODM ukana phuqhatarakipachanisa?
2005 maranwa, Asamblea General de las Naciones Unidas uka jach’a tantachawixa, mä resolucion amta, cumbre jach’a tantachawina amtawayi, ukanrakwa ODM ukana turkakipawi amtanakaxa utjawayaraki, uka turkakipawi amtanakaxa phisqha wakiskiri amtanakawa, usuri warminakana k’umarana jakasipxañapataki utji. Resolucion qillqatana amtanakaxa utjawayki ukanxa, kunjamatsa usuri warminakasa, ususisa jan jiwarxapxaspati, uka amtanakawa k’ichxatawayataraki, (Asamblea General uka jach’a tantachawina, 60/1 ukanwa, qhip qhipha documento qillqatanxa, 17 laphina, uka amtanakaxa,2005 marana utjawayi) Ukana k’ichxatatäki, ukanakampiwa yaqha machaqa amtanakasa, machaqa phuqhañanakasa utjawayaraki, ukanakaxa akhamanakawa:

  • Anticonceptivos sata jan usuri uñjasiñataki jark’aqiri qullanakaxa, yäparu taqinina apnaqataspa ukawa ch’amt’atäñapa.
  • Q’axu waynuchu tawaqitanakana, jan usuriptapxañapatakiwa amuyt’awinakampi yanapt’atañaparaki.
  • Usuri warminaruxa taqinirupini, k’umarana usuri sarnaqasiñataki uñjatapxaspa. Ususipxañapatakisa kikpaki suman uñjatapxarakispa, ukawa ch’amt’atañäparaki.
  • Kunapacha wawaniñas, qawqha wawaniñasa, ukanakaxa janiw suma amtasitäkiti, ukanakaru sum amtasipxañapatakiwa chachanarus warminakarus yanapt’atañapa.

 

 

Documentos para descarga sólo en español

Share/Save