ELISA sutini yanapirixa El Alto markachirinakaruwa yanapt’ani

Anata phaxsi l 2 uru jayp’utuqiruxa  Fondo de Población de las Naciones Unidas ukankirinakaruxa  Fundación Cuerpo de Cristo en Villa Adela - El Alto ukankirinakaruwa , Lector ELISA ukwa churawayäna. Lector sutini equipo de laboratorio ukampixa jaqinakana janchipana VIH usu katutanakaruxa jank’akiwa qhananchatäspa. Uka usuni jaqinakaru uñt’añatakixa mä ch’aqa wila apaqasawa qhanancharakispa.

UNFPAukankirinakaxa Fundación Cuerpo de Cristo ukana irnaqirinakaruwa yanapapxi, ukaxa tata Sebastián Obermayer jupana irpxarutawa, jupaxa  El Alto markana colegio ukana yatiqiri wayna tawaqunakaruwa VIH usu jani katupxañapataki yanapt’aski.

UNFPAtantachawi irpiri, Jaime Nadal jupawa Obermayer tataruxa (julli) churaski.

Uka VIH usuru jani yäqasa jani walinaka lursna ukjaxa, uka usu katuraksnawa. VIH usuna katuta jaqinakatakixa kunjama usutasa uka yatiñawa wakisi, ukata jani llakisita jakasiñapataki yanapt’axa utjaspa, ukhamaraki jupampi chika jakiriru jani uka usu apkatañapataki antirretroviral qullasiña katuqañapatakisa, yanapt’anaka katuqañapatakisa, jani jisk’a wawaparu usu katuntayañapatakisa yanapt’a katuqapxarakispawa.

VIH jani usuni jaqinakaxa suma uñt’añawa wakisi, ukhamata jani llakisiñapataki, akata qhiparu jani uka usu katuntañataki amuyt’asiñapawa wakisini.