Qichwa castellanu uka pá arunakata, chachampi warmimpisa, wayna tawaqumpisa kunjamatsa k’umaran mirapxañapatakixa yäqata jakasipxaspa, warminakaxa yaqatapinipxaspa, kasta kasta markanaka utjaki uka markanakasa yaqatarakispa, uka amtawa niay sartayata

Fondo de Población de las Naciones Unidas UNFPA uka tantachawina 2003 marata 2007 marakama machaqa amtanakapanxa qichwa arumpita castellanu arumpita ullaña qillqt’añaxa yatichasitaxaspa ukasa waiñayatakixaspa uka amtawa utji, juk’ampachaxa, chacha warmisa wayna tawaqusa k’umarana mirapxaspa, ukham yatxatawinakansa warminakaru yaqaña amtapini jilpacha yatxatataspa, kasta kasta markanakasa utjapki uka markanakasa yaqatapinipxarkispa, ukham amtasa 1999 marata 2003 marakamawa Ministerio de Educación tuqirusa wayt’awayataraki, jupanakaxaya yatiqawi yatichawi amtanaka sartañapatakisa, kumarana sarnaqasiña utjañapatakisa ch’amt’apxchixa.

Uka proyecto amtaxa Chuquisaca, Potosí ukatxa Cochabamba uka departamentunakana sartayawayata, uka departamentunakanpï qichwa aruta ullt’asiña qillqt’asiña niaya 103.620 markachirinaka yatiqawayapxixa, uka 103, 620 markachirinakatxa niya 76niwa yapumpi uywampi sarnaqasiri warminakaxa uka amtana chikañchasiwayapxi. Yatxatawi sartayatakana ukanxa, kunjamatsa warminaka chachanakaxa k’umaran mirapxaspa, uka amta wal ch’amañchawayi, warminakaxa kunjamatsa wali ch’amani sartasxapxaspa ukanakaruwa yanapt’asiwayataraki.

Niyaki proyecto amta sartayatakani ukanxa, khithinakatixa uka amtana chikañchasiwayapki jupanakatsa autoridad irpirinakatsa mayiwinakapasa katuqawayatarakiwa, ukhamata k’umaran jakasiña amtanaka ch’amañchatañapataki, maysaxatxa, achuyawi uywachawi amtanakasa yatichasitarakispa jakthapiñanakasa kikpakiraki yatichatarakispa ukanakasa yaqawayatarakiwa, ukhamatwa taqi tuqita amuyt’asa proyecto integral ukhamasa wakt’ayawayataraki.

Ukham mayiwinaka utjataparupï, Educación Primaria jiliri tatanakataki  mamanakataki proyecto piloto mä yant’awi amtasa sartayawayatarakixa, uka mataxa Cooperación Danesa ukan qullqi yanapt’apampiwa sartayawayataxa, ukham jilir tatanakataki jiliri mamanakataki nayriri yatichawi qalltawayataki ukanxa, markpachana kunjmatsa  k’umarana jakasitaspa, kunjamatsa taqi markachirinaka chikañchasipxarakispa, ahuyawi uywachawisa kunjamatsa warminakaru yäqasaxa sartayataspa, sapa markanakasa utjki uka markanakasa kunjamatsa yaqatapxarakispa, pacha mama uraqirusa sumana uñjatakipinispa, paya aruta yatiqawi yatichawisa taqinina jaysatarakispa, ukanakawa ch’amt’awayataxa, ukham paya aruta yatiqawinaka sartayatapan ukampi iyawsirinakaxa niya 4095 markachirinakawa chikañchasiwayapxi, jupanakapï uka amtarusa jaysawayapxarakixa, ukaxa niyasa Chuquisaca ukatxa Potosí uka departamentunakana phuqhasiwayixa.

Uka proyecto amta sartayañanxa Ministerio de Educación uka tantachawimipi Fondo de Población de las Naciones Unidas UNFPA uka tantachawimpi  sapa kuti aruskipt’asina sartayawayataxa, uka proyetco amta sartayatanxa walt’ata markachirinakawa chikañchasiwayapxaraki, juk’ampachaxa pachpa markanakan utjasiri markachirinakawa chikañchasiwayapxi, jupanakampipï wali wakiskiri amtanakasa yatiqawi yatichawi kunaymani tuqita sartayatañapatakixa aruskipawayata.

Yaqha wakiskiri amtaxa, Gobierno Municipales jupanakawa uka proyecto amta sartayañanxa chikañchasiwayapxaraki, qullqimpisa yanapt’asiwayapxarakiwa, qhanpachapìnixa jiliri tatanaka mamanaka yatiqawi yaticahiwimpi sarantapxañapatakiwa planes anuales uka amtanakapanxa uchawayapxi, ukhamatpï jilir tatanakan jiliri manakana yatiqawi yatiachawi amtampi sarantapxañapatakiwa ch’amt’awayapxi, ukasa taqinina yaqatañaparakiwa.

Ukham jiliri tatanakaru jiliri mamanakaru yatiqawi sartayataxa, 2000 maranwa Premio Internacional de Alfabetización, Malcolm Adiseshiah, uka payllawi UNESCO tuqita katuqawayata, ukham paylllawi katuqawixa, sapa kutisa aruskipt’ata, uñakipt’ata amtanakampi sartayata, ukatxa yatiqañataki pankanakasa yatichawinakasa wakt’ayataki ukham amtampi juk’a pachanaki amtanakaxa niya jikirata ukatpï ukham payllawixa utjawayixa.

Agosto pasita 2003 marata qalltasa marzo phaxsikama 2004 marakamaxa fase de transición ukham amtampi irnaqawayatawa, ukham amtampi irnaqata, ukatxa jikiratapï  uka proyecto amta nayraru sarantañapatakixa ch’amt’awayixa, jichhaxa uka proyecto amtaxa politica educativa kunjama amtampi yatiqawi yatichawixa sartayatañapasa, Estrategia de la Educación Boliviana uka amtanakasa kunjamasa utji, ukatxa Fondo de Población de las Naciones Unidas UNFPA uka tantachawinsa kunjama amtanakasa utjaraki ukanakarjama yatichawi yatiqawi amtanakaxa sartayatawa.