Wayna tawaqunakaru, taqi kunana yäqawi utjañapatakixa, Iberoamericana uksana aski amtanakapa

Wayna tawaqunakaru, taqi kunana yaqatapxañapatakixa, Iberoamericana uksanwa, aski amtanakaxa utjawayi, uka amtanwa Bolivia markaxa octubre phaxsina 2005 marana chikañchasiwayaraki, uka amtanakana chikañchasiwayi ukatxa, 2 uru sarqkipana mayo phaxsita 2008 maranwa, Bolivia markpachataki suma kamachiru Evo Morales presidentina utt’ayawayataxaraki, uka kamachinxa kunjamatpinsa wayna tawaqunakaxa, suma yaqataxapxaspa, kunanakana yaqañasa wayna tawaqunakaruxa wakisi ukanakawa uka kamachina arxatata, Estadu tuqixa kunjam yaqañapasa, kunanaka wayna tawaqunakataki aski phuqhañanakapasa estadu tuqixa, ukanakawa uka kamachinxa thakhiñchataraki. Qhanpachapinixa wayna tawaqunakaxa, jaqxama taqi kunatakisa yaqataxapxaspa, jani aliqa wayna tawaqunakawa sas aytasiñaki utjaspati, jan ukasti, kuna yatiñanakatï wayna tawaqunakanxa utjki, ukanakaxa jupa wayna tawaqunakana sartayatapinispa, taqi kunana chikañchasipxañapatakisa jaqirxama yaqatapinipxaspa, wayna tawaqunakaruxa jani aliqa jan kunaru uñjatakispati, ukanakawa arxatawinakaxa utjaraki.
Fondo de Poblacion de las Naciones Unidas UNFPA uka tantachawixa, kunaymani amtanakata amuyt’asawa irnaqaski, kunajamtpinsa aski sartawinakaxa markanakana utjaspa, ukanakana yanapt’asiskarai, juk’ampachaxa, q’axu tawaqitanakasa kunjamatsa jan usuriptapkaspa, ukanakana yanapt’asikaraki, q’axu waynuchu tawaqitanakana organizaciones tantachawinakaparusa kikpakiwa yanapt’ataraki, kunana yaqayasiñanakapasa wayna tawaqunakanxa utji, ukanakasa, pachpa wayna tawaqunakaru amuyt’ayasa yatiyasawa yanapt’asitäskaraki, taqi uka yanapt’asiwinakaxa, Plan Quinquenal phisqha marataki amtanakaxa utjawayki, ukana taqi ukanakaxa qhanstawayxaraki. 

Share/Save