¿Mbae pa CDAW?

jaeko mopetï tembiporu yayeepi vaera, oyeapo ñemboati guasua naciones unidas oyapoyaevae, oñembojee ko, ñemongueta añetete rupi oñemokañi vaera ñuvanga kuñareta koti oiko vae, ñee Ingles pe jaeko CEDAW.

¿ mbovi tentaguasureta pako oyekuatia öi CEDAW pe?

Öime aramoete oireta 165 tentaguasureta, kuae japipe oime öi ñaneretaguasu Bolivia.

¿kua CEDAW ñeokuaiguasu (ley) pa ko ñaneretaguasu Bolivia pe?

Jaeko, araasa 1989 pe ñaneretaguasu omo añetete kuae CEDAW ñeokuaiguasurami #. 1100.

¿mbae pako öime guinoi kua convención jeivae?

Kuae CEDAW omboipi mbaraviki ramboeve oyaporeta ko 16 yeokuairaireta iyeipe oime vaera ñemboete kuñareta koti, jare 12 yeokuairaireta oñembobeu vaera mb araviki reta oyeapogue kuae comité de la CEDAW jeivae pe, kuae comité ömaeko öi mopentiñavo tentaguasureta japipe öivaereta omombeu mbaraviki oyapo ñoguinoivaere.

¿ kïräi yave pako ñaneretaguasu Bolivia ombou yeeta ma omombeu mbaraviki oyapo ñoguinoivae kua comité de la CEDAW pe?

Kuae comité oyookuai ko ñanereta guasu ombou vaera omombeu mbaraviki oyapo ñoguinoi vae julio araasa 2011 pe, omombeutako kïräi ko mbaraviki reta güiraja tenonde koti kuñareta peguara vae.

¿Kuae CEDAW omombeu yee pako tentaguasureta ombou yave omombeu iparaviki regua?

Jukuraïko, Kuae CEDAW oyapo ko öi mborookuai tentaguasureta pe, oyeapo ikavi vaera mbaraviki, aguiye vaera öi ñuvanga kuñaretakoti, kua mborookuai oyekua ukatako oikua vaera tenta iporeta, jare oñemae vaera oyeapo kavi vaera mbaraviki.

¿Kiae pako oyapota ñeeapo?

Oyapota mopetï ani oñemboati yave mopetï tentaguasu iporeta öi kuae CEDAW ndive vaereta, öime yave oyeapo ñeapo institución pe, jaereta ipuerevi oyapo ñeapo.

¿Mbae nunga yeokuaireta pa oyapo CEDAW ñanereta guasu Bolivia pe kua oasa ramoete ñemboatiape va, omombeuramboeve mbaravikiregua?

Kuae comité omopua reta omokañi vaera ñuvanga kuñarareta koti öi vae, 40 reama oñomboati reta, jaeko 14 de enero guive a 1 de febreroaraasa 2008 pe, kuae comité ko omaekavi vaera kuatiareta oyeapo vaere: mokoi, mboapi, jare irundiare ñanereta guasu Bolivia oyapo mbaraviki öi vaere (CEDAW / C/ BOL/2 a 4) jare opayave omaereta kuaeretare.

• Kuae comité ömee ñee mboeta ñanereta guasu Bolivia pe oeka vaera kïräiko oyapokavivaera kuae ley 1810 ojo vaera tenonde, (ley maeco sobre derechos sexuales y reproductivos) jare guinoe vaera aramoete. Jukuraiñovi oyaporai güinoi ñanderuvichaguasu kuae omomirata vaera, jare oyapo vaera mbaraviki reta Planificación familiar y de salud reproductiva regua; guiroata kavi vaera añeteterupi kuña jare tairusu vaereta peguara, ojovaera vi mbaraviki tenteraireta rupi, oñembobeu kavi vaera kuae salud regua, oikuakavi vaera mbaerasi mbae reve guinoi reta imembi, jare oikua, güinoi vaera yavai mbae reve moa reata aguiyeara ipurua reta. (....) jukurtaiño kuae comitén omee mborookuai ñaneretä guasupe omae kavivaera, jare omee vaera añetete rupi omoingue vaera kuae educacion sexual regua, jare omoerakua vaera kuae mbaraviki regua tairusu vaereta rupi, agüiyeara ipurua reta aramoete.
• (....) iru yeeko omee mborookuai ñanereta guasu pe oparavikiete vaera ñuvanga jare aguiye ara oyapouka mbaraviki kuñareta oipotaa reve, jayave oñemee ta mirata kuñareta pe, jare oyeekatavi oyeapo vaera yavaimbaereve ñeapo oyapo vaera kuña, kuñataireta oyeapo ñuvanga superetague, jayave ko oimetavi yaraja ñeeapo ñuvanga vaereta pe.
• Comité omee mborokuai ñaneretaguasu pe omaereve tenonde omoingue vaera kuae mbaraviki pe kuñareta, (...) jare toñono kavi oike vaera kuña paravete vae reta yavaimbaereve oiporu ñombori öi salud regua vae, oñangareko reve tenta mi pe oikovaereta re.
• Comité omoatangatu vi ñanereta guasu oparaviki vaera jakateï mbaereve, jare oikatureve toyapo mbaravi ki, aguiyeara jeta omano michiarai reta ichigui, omeeta ko añetete rupi oñepoano kavi vaera ipuruavaereta, oyekuaku, oyekuaku ma yave, oñangarekotako jesereta oporopoano vaereta ikavigue jare añetete oikatugue reta, kua ko öi tentaguasu jare tentami iporetapeguara. (.....)

Share/Save