Beijing 95 – Cuarta Conferencia Mundial Kuña Regua

Kuae Conferencia araasa 1995 pegua, oyeapo ko ñembogueta yovake reta oñemboati tetee oivaere, ñemuña jare teko kavi re, jare oñemae kuña reta rupi, oyeesauka ko kirai ojo tenonde koti kuñareta iyarakua vae, opaete tenta iporeta ndive, jeiyee añetete gue rupi oipotata ko yaipii yemboavai reta guinoi tenta iporeta vae kuña reta rupi, yaraja vaera vi tenonde koti mïrata ndive, ñamoamïrï vaera yemboavai reta.

Kuae ñeemombeu oyeapo Cuarta Conferencia Mundial kuñareta regua vae, jaeko kuae yemboavai reta tuicha guevae mbaraviki Conferencia Internacional sobre Población y Desarrollo (CIPD), jaeko opaete vae reta iyemboavai viko, opaete rupi kuae ivi pe oime kïrei oyeapo vaera kuae ñemongueta yoavi jare ñemotareï kuñareta koti, jaeramo mbaeti okañi, imara mbaereve jare oñomi reve oyapo vae.

Mburucha reta öi kuae pe vae, jeireta ko ikïrei oyapo reta ñemoerakua mbaeko oyeapo ta kuae yoavi regua, yembotuicha, yerovia opaete kuñareta ivi pe ñoguinoi vae, oikokavi vaera opaete ivi iporeta. Jukuraiño vi omombeu reta yee iñemomete oepi vaera mbaepuere, oikokavi vaera opaete vae, oyemboipi Kuña jare kuimbaerete rupi jare oyeparaviki kavi vaera mbaepuere guinoi vaera kuña jare kuñatai raireta rupi, opaete rupi ko imbaerami jare oyembosiri vaereve opaete mbaepuere reta gui, jukurai oiko vaera iyamba rami.

Mburuvicha reta, oñemomete omoerakua vaera kuñareta iparaviki oñembotuicha vaera, jare ojo vaera tenonde koti, jukuraiñovi oime vaera oiko oipota rami, iporoguirovia ndive jare iporomboete, jare iyaarakua ndive kuña jare kuimbaereta jaeiño vae anii tenta iporeta ndive, jaeramo ko oñemee mbaepuere ojovaera reta arakuaa pe, oiko vaera ikavi jae oipotaa rupi.

Mburuvicha reta oechauka iyerovia kuae mbaepuere yovakeregua, mbaeti reve yemboavai oiporu vaera tembiporu reta, oime vaera oyovake rupi guiñoi mbaraviki kuimbae jare kuñareta mangareko imeareta koti, ikaviko oiko yerovia jaereta rupi, oikokavi reta vaera, jukurai oime vaera mïrata mopeti rami. Mburuvicha reta omofirma ramboeve omboyoupiti ko ñemongueta omokañi vaera mbaravete, oime reve okuakua mbaeyekou, yaepi ramboeve ivi iporeta jare yeepiretape oimeta ko kuñareta oivi opaete mbaraviki rupi, oime vaera oñembotuicha arakua kuñareta rupi, oiko vaera yemboete ndive jëta iporeta ndive opaete vaereta rami.

Mburuvichareta oikuauka oyapo vaera mbaraviki añeteguerupi, oime vaera kuñareta oikokavi mopetirami, mbaraviki rupi, oime vaera vi guinoi ivi, ombaeporu vaera, tembiporu ikavi gue vae, arakuakatu re oñemboe vaera, ñeembobeu, ñemoerakua, jukuraiyave ko oimeta arakuakatu kuña jare kuñatai reta pe, oimevaera vi ñemboete iparaviki rupi, kuae arakua guinoi yave oime ta oiko tekokavi rupi, jare guinoi vaera opaete ñombori reta oeka iyeipeyave.

Kuae Conferencia de la mujer jeiyee vi, jare omomirata ñembogueta reta oyeapo Cairo pe vae. Mbaraviki oñono reta iyeipe vae, oyeparaviki oiko vaera tekove katu, kue gui ko oime ta yaiko kavi yerovia ndive, jare ñemuña reta, jare jeireta ye oime vaera kuñareta guinoi mbaepuere oñemaekavi ramboeve tekove kature omee vaera kuñareta ñemuña kavi, kuae ko jae omee vaera kuñareta pe mbaepuere iparaviki pe.

Mbae ko ikireï oupiti kuae Cuarta Conferencia Mundial Kuñareta regua:

  • Oñemokañita mbaravete millones rupi oiporara kuñareta kuae ivi pe vae.
  • Oyembo yovake ta yoavi yemboe oiko kuñareta ndive vae.
  • Oyeapo kavita tape, aguiye ara oiko yemboavai guinoi vaera tekovekatu jare mbaraviki kuñareta peguara
  • Oñemee ta ko kuñareta pe öi vaera jare oikatuvaera guiroata korepoti
  • Oyeupiti ta yeopiaka tuichague vae, jare yaiu vaera kaa ipo reta, oime ta ko kuape oparaviki kuñareta.
  • Yaupitita ko oime vaera kuñareta guinoi mbaepuere, jaereta oiparavo vaera iyeipe tekokavi.
  • Oyeesauka ta kuñareta iyemboeteuka opaete ñee mbobeua rupi. • Oñemokañita ñuvanga oyeapo kuñareta koti vae
  • Ñañoraro ta opaete gueru ikavi mbaeva vae ndive, aguiye ara oiko ñoraro kuñareta ndive

Eumbiri kuaepe reesa vaera ñeembobeu “La Cuarta Conferencia Mundial Kuñareta  regua”

Share/Save